Reyßbuch deß heyligen Lands/: Das ist Ein gründtliche beschreibung aller vnd jeder Meer vnd Bilgerfahrten zum heyligen Lande/ so bishero/ in zeit dasselbig von den Ungläubigen erobert und inn gehabt/ beyde mit bewehrter Hand vnd Kriegßmacht/ zu wider eroberung deren Land/ denn auch aus Andacht vnd Christlicher Anmutung zu den heyligen Orten/ von vielen Fürsten/ Graffen/ Freyen/ Rittern/ vom Adel vnd andern fürtrefflichen/ Ehr und Tugendliebenden/ Geistlichs vnd Weltlichs Standts Herren/ zu Wasser vnd Land vorgenommen/ ins Werck gericht/ vnd durch wunderbarlich Abentheuwr/ auch vnglaublich grosse Gefahr/ Leibs vnd Guts vollnbracht. Beneben eingeführter auch eigentlicher Beschreibung deß gantzen heyligen Lands Palæstinae, sampt demselben einverleibter Landschafften/ Refieren vnd Termineyen: Zu dem aller darinn begrieffener nahmhaffter Stätt/ Flecken/ Dörffer/ Festungen/ Bergen/ Auwen/ Meer/ Wasser/ Seen: Bevorab der heyligen Stätte in vnd ausserhalb der Statt Jerusalem/ an denen vnser Herr vnd Heyland Christus di zeit seiner Wallfahrt auff Erden/ vnd denn das Werck vnser einigen Erlösung vollbracht hat. Demnach der angrentzenden/ Benachbarten/ so wol der andern entlegenen Land Jndien vnd Persien/ vnd was darinnen wunderbares von Antiquitäten/ vnbekandten Erdtgewächsen vnd seltzsamen Thieren zu finden. Endtlich von gemelter Ort vnd Landen jetziger Einwohner/ Türcken vnd Araber/ So auch ander Nationen/ die sich Christen rühmen/ vnd in den Orientalischen Landen/ insonderheit aber zu Jerusalem sich wesentlich verhalten/ Religion/ Ceremonien in Glaubens Sachen/ vnderschiedlichen Secten in Gottesdienst/ sampt derselben auß Gottes Wort gründtlicher Widerlegung: Sowol ihrem Weltlichen Recht vnd Policey Ordnung/ Kriegsregiment/ Sitten vnd Gebräuchen ; Menniglich/ was Stands vnd Würden der sey/ zu besserm der H. Schrifft verständtnüß/ alter Historien Erleuterung/ auch zu betrachtung deß wunderbarlichen Glücks vnd Vnglücks wechsel vnd Vnbeständigkeit/ vnd denn der kräfftigen Hülffe Gottes in nöthen/ zu lesen so wol nützlich als lieblich: Denen aber so künfftig dergleichen zuversuchen gesinnet/ zu wissen nötig